Setur spurningamerki við VAR ákvörðunina sem Arsenal fagnaði

Shay Given, fyrrum markvörður Newcastle, setur spurningamerki við þessa dómgæslu.

„Það sem pirrar mig er að við höfum séð margoft séð hjá Arsenal á þessu tímabili farið í markverði og varnarmenn en markið látið standa. Allir eru pirraðir yfir ósamræmi í dómgæslu. Af hverju eru sum mörk látin standa en þetta var dæmt af? Það er svo margt í húfi bæði neðst í deildinni og alveg á toppnum," segir Given.

„Svo er það annað; Gabriel er að halda í andstæðing, Ödegaard líka. Trossard er að halda áður en það er brotið á Raya. Hvenær ákveður dómari hvaða brot hann velur, og sleppir broti sem var á undan?"

Given var sérfræðingur í Match of the Day en í sama þætti sagði Danny Murphy, fyrrum leikmaður Liverpool, að dómararnir hafi tekið rétta ákvörðun.

„Þetta er svona umdeilt því þetta er Arsenal. Það er ekki hægt að dæma eftir því sem gerðist í fortíðinni. VAR dómararnir sáu augljóst brot og þeir gátu ekki lokað augunum," segir Murphy.

Darren Cann, fyrrum aðstoðardómari, í ensku úrvalsdeildinni segir að það hafi verið klárlega tekin rétt ákvörðun með að dæma mark West Ham af því Pablo hjá West Ham hélt í handlegginn á David Raya, markverði Arsenal. Þá hafi Todibo togað í treyju hans einnig.

„Þetta er þungt fyrir West Ham en þetta er brot, það er rétt niðurstaða. Pablo heldur í handlegg Raya þegar hann er að reyna að grípa boltann, það er klárlega haft áhrif á hann," segir Cann.