Birkir mun meðal annars eiga í höggi við Lionel Messi í leiknum á laugardag.

„Mér finnst geggjað að spila á sama velli og Messi. Þegar maður kemur inn á völlinn verður maður að gleyma því hverjir eru hinumegin og fara í leikinn til að vinna hann."

Birkir hefur áður mætt mörgum af öflugustu leikmönnum heims í leikjum með landsliðinu.

„Liðið þarf að gera þetta saman. Við höfum gert það á móti fullt af góðum leikmönnum og það hefur yfirleitt tekist. Ég sé enga ástæðu til að breyta því á laugardaginn."

Birkir spilaði ekki gegn Gana á fimmtudaginn vegna smávægilegra meiðsla en hann æfði í gær án vandræða og er klár í slaginn.

„Ég vildi spila til að fá fleiri mínútur með landsliðinu en ég vildi ekki togna og verða frá í fjórar vikur. Þess vegna sleppti ég þessum leik."

Hér að ofan má sjá viðtalið í heild sinni.