2. deild kvenna: Mögnuð endurkoma Augnabliks gegn lánlausu Álftanesliði

Augnablik vann ótrúlegan 3-2 endurkomusigur á Álftanesi í 2. deild kvenna í Fífunni í gær.

Álftnesingar komus tvisvar í forystu í leiknum. Helga Kristinsdóttir skoraði á 53. mínútu áður en Ólöf Inga Pálsdóttir jafnaði á 78. mínútu og þá kom Sara Freysdóttir gestunum aftur yfir fimm mínútum síðar.

Þegar þrjár mínútur voru eftir af venjulegum leiktíma skoraði Elísabet Gunnarsdóttir jöfnunarmark Augnabliks áður en Júlía Heiðrós Halldórsdóttir gerði sigurmarkið í uppbótartíma.

Magnaður sigur hjá Augnabliki sem er í 7. sæti með 13 stig en Álftanes í næst neðsta sæti með 2 stig og ekki enn unnið leik eftir tíu umferðir.