3. deild: Fyrsti sigur Ýmis

Ýmir vann sinn fyrsta leik á tímabilinu er liðið lagði KÁ að velli, 2-0, í Kórnum í 3. deild karla í kvöld.

Steingrímur Dagur Stefánsson skoraði fyrra markið undir lok fyrri hálfleiks og Tómas Orri Barðason gulltryggði sigurinn með marki í blálokin.

Langþráður sigur hjá Ýmismönnum, sem spyrntu sér af botninum og upp í næstneðsta sæti. Liðið er með fimm stig á meðan KÁ er með sex stig í 10. sæti.