Egypski kóngurinn Mohamed Salah spilaði sinn hundraðasta landsleik fyrir Egyptaland í gær og skoraði eitt markanna í þægilegum 0-4 sigri gegn Botsvana.
Trezeguet, fyrrum leikmaður Aston Villa, setti tvennu í sigrinum.
Samkvæmt vefsíðu transfermarkt hefur Salah skorað 56 mörk í 100 fyrstu landsleikjunum sínum.
Hann spilaði sinn hundraðasta landsleik á sama degi og Harry Kane, fyrirliði enska landsliðsins, sem gerði sér lítið fyrir og skoraði tvennu. Kane er núna kominn með 68 mörk í fyrstu 100 landsleikjunum.
Salah er þó með 33 stoðsendingar í 100 leikjum á meðan Kane hefur skapað 19 mörk með beinum hætti.
Athugasemdir
