11.10.24 - 10:30
Sæbjörn Þór Þórbergsson Steinke
Þórarinn Ingi fer fögrum orðum um Baldock - „Eini gæinn sem langaði þetta ógeðslega mikið"
Í leik með ÍBV 2012.
Mynd: Fótbolti.net - Hrafnhildur Heiða Gunnlaugsdóttir
Mynd: Eyjafréttir
Í leik með ÍBV 2012.
Mynd: Fótbolti.net - Hrafnhildur Heiða Gunnlaugsdóttir
George Baldock lést á miðvikudag á heimili sínu í Grikklandi. Baldock var grískur lansliðsmaður og gekk í raðir Panathinaikos í sumar eftir langa veru hjá Sheffield United.
Hann spilaði á sínum tíma með ÍBV, kom á láni frá MK Dons tímabilið 2012 og skoraði eitt mark í sextán leikjum í efstu deild.
Vísir ræddi við Þórarin Inga Valdimarsson en hann var liðsfélagi Baldock hjá ÍBV.
Hann spilaði á sínum tíma með ÍBV, kom á láni frá MK Dons tímabilið 2012 og skoraði eitt mark í sextán leikjum í efstu deild.
Vísir ræddi við Þórarin Inga Valdimarsson en hann var liðsfélagi Baldock hjá ÍBV.
TENGT EFNI
Sverrir og Hörður minnast Baldock - „Ekkert er hægt að segja"
„Hann var nítján ára þegar hann kom til okkar, strákur sem var að vinna sig upp í boltanum. Þetta var frábær týpa og karakter og skemmtilegt að vera í kringum hann. Þetta var gæi sem lagði sig allan fram á vellinum, var baráttuhundur og alltaf tilbúinn að vera með félögunum og hafa gaman. Ég hef bara jákvæða hluti um hann að segja og maður heyrt það sama úr öðrum áttum; að þetta hafi verið hress strákur sem lagði sig allan fram, var tilbúinn að hlaupa og djöflast og bakka mann upp í öllu," sagði Þórarinn m.a. í viðtalinu.
Hann segir að velgengi Baldock á ferlinum hafi ekki komið sér á óvart.
„Maður hefur fengið nokkra svona lánsmenn, sérstaklega í Vestmannaeyjum, en þetta er eini gæinn sem langaði þetta ógeðslega mikið. Hann æfði af krafti og lét verkin tala. Síðan var hann allt í einu kominn í ensku úrvalsdeildina. En maður sá að hungrið var til staðar. Þetta kom mér ekki á óvart, ekki miðað við hvernig hann var sem karakter á þessum tíma," sagði Þórarinn í viðtalinu sem nálgast má í heild sinni hér.
Hann segir að velgengi Baldock á ferlinum hafi ekki komið sér á óvart.
„Maður hefur fengið nokkra svona lánsmenn, sérstaklega í Vestmannaeyjum, en þetta er eini gæinn sem langaði þetta ógeðslega mikið. Hann æfði af krafti og lét verkin tala. Síðan var hann allt í einu kominn í ensku úrvalsdeildina. En maður sá að hungrið var til staðar. Þetta kom mér ekki á óvart, ekki miðað við hvernig hann var sem karakter á þessum tíma," sagði Þórarinn í viðtalinu sem nálgast má í heild sinni hér.
Mynd: Eyjafréttir
