Andres Iniesta, fyrrum leikmaður Barcelona, leikur í dag með Vissel Kobe í Japan. Hann lék í dag sinn fyrsta leik í asísku Meistaradeildinni og tók Kobe á móti Johor frá Malasíu í dag.
Heimamenn í Kobe sigruðu leikinn 5-1 og lagði Iniesta upp tvö mörk í leiknum. Keijiro Ogawa skoraði þrennu fyrir japanska liðið og lagði Iniesta upp tvö fyrir Japanann.
Fyrra markið kom á 13. mínútu, Iniesta átti þá flotta stungusendingu yfir vörn gestanna frá eigin vallarhelmingi . Það seinna kom á 72. mínútu og kom Iniesta sér í góða fyrirgjafastöðu og sá sinn mann á fjærstönginni sem Iniesta fann að sjálfsögðu.
Myndband af mörkunum tveimur sem og einu sem Iniesta átti stóran þátt í má sjá hér að neðan.
Athugasemdir