Lionel Messi og Luis Suarez voru illa fyrir kallaðir í sigri Inter Miami gegn Montreal í MLS deildinni í nótt.
Það voru tvær reglubreytingar í deildinni sem fór illa í þá en Messi varð fyrir meiðslum þegar George Campbell varnarmaður Montreal fór í glórulausa tæklingu en hann fór með takkana í hnéið á Messi.
Nýjar reglur í deildinni skipa leikmönnum að bíða utanvallar í tvær mínútur eftir að hafa fengið aðhlynningu vegna meiðsla. Þetta er gert til að koma í veg fyrir að leikmenn tefji með að þykjast vera meiddir.
Það náðist á myndavélar þegar Messi mótmælti þessari reglu en hann sagði: „Með svona reglu erum við á leið í ranga átt."
Síðar í leiknum lenti Suarez upp á kant við fjórða dómarann þegar honum var skipt af velli á 90. mínútu og Tata Martino þjálfari Inter Miami þufti að stíga inn í.
Það er regla í deildinni að leikmaður verði að vera farinn af velli innan tíu sekúndna annars þurfi varamaðurinn að bíða í eina mínútu áður en hann getur komið inn á.
Video here pic.twitter.com/LOH3Lcix1R
— Favian Renkel (@FavianRenkel) May 12, 2024