Ísland í dag - Sex leikir í 4. deild karla

Sex leikir fara fram í 4. deild karla í kvöld. Leikina og stöðuna í riðlunum sem leikið er í í kvöld má sjá neðst í fréttinni.

B-riðill
Á Framvellinum í Úlfarsárdal fá Úlfarnir lið Afríku í heimsókn. Liðunum hefur vegnað misvel, Úlfarnir hafa stig en Afríka er án stiga og á enn eftir að skora sitt fyrsta mark í sumar.

Þá mætir KB liði ÍH á Leiknisvellinum í Breiðholti.

C-riðill
Álafoss mætir Berserkjum á Tungubakkavelli og á sama tíma mætir Léttir liði GG á Hertz vellinum.

GG hefur farið vel af stað og er með fullt hús stiga eftir fjórar umferðir.

D-riðill
Ægir mætir KFS í slagnum um Herjólf á Þorlákshafnarvelli og KFR mætir KÁ á SS vellinum.

KFR getur komið sér á toppinn með sigri. KÁ er einungis með eitt stig eftir fyrstu þrjár umferðirnar.