Líklegt byrjunarlið Spánar - Morata brosandi á æfingu

Spánn og England leika til úrslita á Evrópumótinu á sunnudagskvöld klukkan 19. Leikurinn fer fram á Ólympíuleikvangnum í Berlín.

Dani Carvajal er klár í slaginn aftur eftir eins leiks bann og ætti að snúa aftur í hægri bakvarðarstöðuna. En verður Nacho eða Robin le Normand í hjarta varnarinnar?

Alvaro Morata lenti í því að öryggisvörður rann á hann þegar fagnað var sigri í undanúrslitunum og óttast að hann hefði meiðst á hné. Ekkert virtist hinsvegar angra Morata á æfingu í morgun og hann tók fullan þátt með bros á vör.