Úrúgvæskur sjónvarpsmaður bað Bentancur um að gefa sér Tottenham treyju og þá svaraði miðjumaðurinn:

„Viltu treyjuna frá Sonny? Hún gæti líka verið frá frænda hans þar sem þeir líta allir eins út."

Bentancur baðst síðar afsökunar á Instagram og sagði ummæli sín vera „mjög slæman brandara“. Son samþykkti afsökunarbeiðnina.

Bentancur hefur núna verið ákærður af enska knattspyrnusambandinu fyrir niðrandi ummæli en hann hefur til 19. september til að svara fyrir ummælin.

Fjölmiðlamaðurinn Alasdair Gold segir að Bentancur fari mögulega í 6-12 leikja bann.