Ítalía: Snögg tvenna frá Moreira bjargaði stigi fyrir Milan

Mikael Egill Ellertsson lék fyrstu 80 mínúturnar í jafntefli Genoa á heimavelli gegn nýliðum Frosinone. Nýliðarnir náðu forystunni snemma leiks og klúðraði Lorenzo Colombo vítaspyrnu í uppbótartíma fyrri hálfleiks, svo gestirnir leiddu 0-1 í leikhlé.

Miðvörðurinn Johan Vásquez minnkaði muninn fyrir Genoa í upphafi síðari hálfleiks, en fékk svo tvö gul spjöld og var rekinn af velli á 87. mínútu. Tíu leikmenn Genoa gerðu því 1-1 jafntefli við nýliða Frosinone og náðu þannig í sitt fyrsta stig á deildartímabilinu. Frosinone er óvænt með sjö stig.

Albert Guðmundsson byrjaði svo á bekknum er Lazio tók á móti AC Milan og leiddu heimamenn 2-0 í leikhlé. Lazio var sterkari aðilinn og voru það Matteo Cancellieri og Tijjani Noslin sem skoruðu mörkin.

Milan tók stjórn á leiknum í síðari háflleik og náði að jafna metin með leiftursnöggri tvennu frá Diego Moreira, sem Milan keypti í sumar fyrir rúmlega 60 milljónir evra. Moreira klobbaði fyrst Christos Mandas markvörð Lazio með föstu skoti áður en hann setti hnitmiðað skot niður í hornið til að tvöfalda forystuna og innsigla þannig sigur.

Alberti var skipt inn á 74. mínútu en honum tókst ekki að hafa mikil áhrif á leikinn, svo lokatölur urðu 2-2. Lazio er með 10 stig eftir 4 umferðir, tveimur stigum fyrir ofan Milan. Bæði lið eru taplaus á upphafi tímabils.

Genoa 1 - 1 Frosinone
0-1 Giorgi Kvernadze ('14 )
0-1 Lorenzo Colombo ('45+1 , Misnotað víti)
1-1 Johan Vasquez ('50 )
Rautt spjald: Johan Vasquez, Genoa ('87)

Lazio 2 - 2 Milan
1-0 Matteo Cancellieri ('10 )
2-0 Tijjani Noslin ('39 )
2-1 Diego Moreira ('65 )
2-2 Diego Moreira ('67 )