Víðamikilli rannsókn á flugslysinu sem olli dauða David Ibbotson og Emiliano Sala er lokið.
Eins og áður hefur komið fram þá var flugmaðurinn, Ibbotson, ekki með leyfi til að fljúga að næturlagi en flaug þrátt fyrir það af stað með argentínska sóknarmanninn.
Nú er einnig komið í ljós að Ibbotson var ekki með leyfi til að fljúga vélinni, leyfið hafði runnið út nokkrum mánuðum fyrir flugið.
Vélin sjálf var ekki í góðu standi og leiddi rannsóknin í ljós að kolmónoxíð hafi lekið inn í stjórnklefann úr útblástri hitunarkerfis vélarinnar.
Í vélinni var enginn skynjari fyrir kolmóxíð og hafði það áhrif á getu Ibbotson til að stýra vélinni, sem hrapaði skammt undan ströndum Frakklands. Sala er sagður hafa verið meðvitundarlaus fyrir hrapið vegna kolmónoxíðsins.
Athugasemdir