England um helgina - Verður síðasti leikur Tudor á Anfield?

Þritugasta umferðin í ensku úrvalsdeildinni fer fram um helgina. Chelsea er í harðri baráttu um Meistaradeildarsæti en liðið hefur aðeins unnið einn af síðustu fjórum deildarleikjum sínum. Liðið fær Newcastle í heimsókn á morgun. Man City er sjö stigum á eftir toppliði Arsenal og á leik til góða. Liðið heimsækir West Ham annað kvöld.

Man Utd tapaði sínum fyrsta leik undir stjórn Michael Carrick í síðustu umferð gegn Newcastle. Liðið getur komist aftur á sigurbraut gegn Aston Villa sem hefur átt erfitt uppdráttar undanfarið.

Það er áhugaverður leikur á sunnudaginn þar sem Liverpool fær Tottenham í heimsókn. Liverpool hefur verið langt frá sínu besta en Tottenham hefur verið í enn verri málum og Igor Tudor er strax undir mikilli pressu og þetta gæti verið síðasti leikurinn hans sem stjóri liðsins.

Umferðinni lýkur á mánudaginn þar sem Brentford fær botnlið Wolves í heimsókn en Wolves hefur unnið tvo deildarleiki í röð.