Fyrirliðinn hjá Chelsea til 2032 (Staðfest)

Reece James hefur skrifað undir nýjan sex ára samning við Chelea. Hann er nú samningsbundinn félaginu fram á sumarið 2032.

James, sem er fyrirliði Chelsea, er 26 ára og var áður samningsbundinn til 2028. Hann kom inn í akademíu Chelsea árið 2006 og hefur því alla sína fótboltatíð verið hjá félaginu.

James er í grunninn hægri bakvörður en hann hefur talsvert spilað sem djúpur miðjumaður á þessu tímabili. Hann er lykilmaður í liðinu og sem betur fer fyrir Chelsea hefur hann náð að halda sér þokkalega heilum á þessu tímabili eftir nokkur erfið tímabil meiðslalega á undan.