Fótbolti.net

fös 13. mars 2026 10:59

Elvar Geir Magnússon

„Vil ekki særa Arteta en stend við ummæli mín“

Fabian Hurzeler, stjóri Brighton.

Mynd: EPA

Mikel Arteta.

Mynd: EPA

Óvíst er hvort Mitoma geti spilað gegn Sunderland.

Mynd: EPA

Fabian Hurzeler, stjóri Brighton, talaði tæpitungulaust um leikstíl Arsenal í kringum viðureign liðanna nýlega. Arsenal vann 1-0 sigur en Hurzeler segir að Brighton hafi verið eina liðið sem reyndi að spila fótbolta í leiknum.

Fyrir leikinn gagnrýndi hann Arsenal fyrir leiktafir og sagði að liðið væri stundum að eyða heilli mínútu í að taka hornspyrnu þegar það væri með forystu. Hann tók þráðinn svo aftur upp eftir leikinn og sagði meðal annars:

„Ég verð aldrei stjóri sem mun reyna að vinna leiki svona. Enska úrvalsdeildin þarf skýrari reglur fyrir það þegar verið er að tefja leikinn."

04.03.2026 22:26

Stjóri Brighton skaut á Arsenal - „Næsta spurning"

Á fréttamannafundi í morgun var Hurzeler spurður nánar út í þessi ummæli sín og samband sitt við stjóra Arsenal, Mikel Arteta.

„Ég er hrifinn af því sem Arsenal hefur afrekað hingað til á tímabilinu og hvernig Arteta og hans teymi hefur unnið. Ég verð fyrstur til að óska þeim til hamingju ef þeir vinna deildina," svaraði Hurzeler

„Ég vildi ekki særa neinn en hinsvegar stend ég fyllilega við það sem ég sagði. Ég var ekki ánægður með ákveðna hluti þennan dag og tölfræðin gefur mér staðfestingu. Við þurfum skýrari reglur þegar kemur að leiktöfum."

Hurzeler og Arteta sendu skilaboð sín á milli
„Ég hef sagt Mikel að ég dáist af verkum hans en ég vildi bara segja mína skoðun. Arteta er í mínum huga einn besti stjóri heims, hann er átrúnaðargoð, en það er mikilvægt að fela ekki þínar skoðanir. Sama þó þú sért hjá minna félagi," segir Hurzeler.

„Þetta kvöld lögðum við mikið á okkur til að vinna leikinn og mættum Arsenal liði sem var með aðra nálgun."

Hurzeler segist hafa sent Arteta skilaboð og þeir hafa verið að spjalla sín á milli.

„Ég er einstaklingur sem stend með mínum gildum og skoðunum. Þessi ummæli sköpuðu mikið umtal en það er mikilvægt að standa með sinni skoðun. Ég sagði Mikel að ég bæri gríðarlega virðingu fyrir honum. Við skiptumst á skilaboðum, hann sagði sína skoðun og ég mína. Fótbolti snýst um þetta, allir verja sína hlið," segir Hurzeler.

Mitoma tæpur
Leikstíll Arsenal er mikið til umræðu en eitt er ljóst; hann er allavega árangursríkur. Liðið er með sjö stiga forystu á toppi deildarinnar. Brighton er í fjórtánda sæti og heimsækir spútniklið Sunderland á laugardag.

Hurzeler sagði frá því á fréttamannafundinum í dag að óvissa væri með þátttöku stjörnuleikmannsins Karou Mitoma í leiknum.

		L	U	J	T	ms:	mf:	mun	Stig
1	Arsenal	31	21	7	3	61	22	+39	70
2	Man City	30	18	7	5	60	28	+32	61
3	Man Utd	31	15	10	6	56	43	+13	55
4	Aston Villa	31	16	6	9	42	37	+5	54
5	Liverpool	31	14	7	10	50	42	+8	49
6	Chelsea	31	13	9	9	53	38	+15	48
7	Brentford	31	13	7	11	46	42	+4	46
8	Everton	31	13	7	11	37	35	+2	46
9	Fulham	31	13	5	13	43	44	-1	44
10	Brighton	31	11	10	10	41	37	+4	43
11	Sunderland	31	11	10	10	32	36	-4	43
12	Newcastle	31	12	6	13	44	45	-1	42
13	Bournemouth	31	9	15	7	46	48	-2	42
14	Crystal Palace	30	10	9	11	33	35	-2	39
15	Leeds	31	7	12	12	37	48	-11	33
16	Nott. Forest	31	8	8	15	31	43	-12	32
17	Tottenham	31	7	9	15	40	50	-10	30
18	West Ham	31	7	8	16	36	57	-21	29
19	Burnley	31	4	8	19	33	61	-28	20
20	Wolves	31	3	8	20	24	54	-30	17