„Byrjaðir að sýna okkar rétta andlit aftur, eftir erfiðan fyrsta leik í deild. Höldum hreinu í næstu tveimur leikjum og svo góður sigur á móti sterku Njarðvíkur liði í dag" sagði Axel Óskar Andrésson, leikmaður Aftureldingar eftir 5-2 sigur í 16-liða úrslitum Mjólkurbikarsins gegn Njarðvík.
Lestu um leikinn: Afturelding 5 - 2 Njarðvík
Það hlýtur að vera sætt að vinna svona stórt gegn stóru liði?
„Já algjörlega. Við erum miklu stærra lið samt."
Hvað er það góða sem hægt er að taka úr þessum leik?
„Bara blússandi sóknarleikur, baráttuhundar. Ég hlakka til þess að sjá statistíkina yfir duels eftir þennan leik. Það er það sem við erum búnir að byggja ofan á, eftir að hafa verið undir í fyrsta leik á móti ÍR. Ég er bara fáránlega sáttur."
Fullt viðtal í spilaranum fyrir ofan
