„Ekki vel. Töpuðum fyrir miklu miklu betra liði í dag. Ákveðið sjokk hvernig við mættum inn í leikinn, fyrri hálfleikurinn. Vorum einhvern veginn ekki tilbúin í fightið, tilbúnir í bardagann. Mættum liði sem var með miklu hærra orkustig en við. Já, vond tilfinning eftir leikinn" sagði Davíð Smári Lamude, þjálfari Njarðvíkur eftir 5-2 tap í 16-liða úrslitum Mjólkurbikarsins gegn Aftureldingu.
Lestu um leikinn: Afturelding 5 - 2 Njarðvík
Voru þið ekki nægilega tilbúnir fyrir leikinn?
„Mér fannst það allaveganna sjást á vellinum að við vorum ekki tilbúnir í bardagann, mér fannst við aldrei sjást. Ég meina við sjáum föstu leikatriðin, þeir eru undan í alla bolta hvort sem það er í okkar boxi eða þeirra boxi. Við vorum með nokkrar hornspyrnur sóknarlega, þar sem það var frábært delivery, en þeir eru á undan í það allt, alir lausir boltar inn í teig. Við virkuðum bara orkulausir og nú þarf bara að fara í það að skoða það. En hrós á Aftureldingar liðið, þeir hittu á daginn sinn og við hittum alls ekki á okkar dag. Það verður athyglisvert að skoða þennan leik og horfa á hann og reyna að finna ástæður og orsakanir fyrir ekki góðri frammistöðu."
Þegar Afturelding skorar annað og þriðja markið sitt, finnst þér Njarðvík slökkva á sér?
„Já, ég meina það kemur kafli í leiknum, þarna tuttugu mínútna kafli í leiknum þar sem við erum algjörlega off. Við reyndum að adressa það með að breyta um leikkerfi. En þetta snerist aldrei um eitthvað taktískt upplegg þessi leikur. Við vorum bara andlausir, sérstaklega í fyrri hálfleik. Við ætluðum að koma út í seinni hálfleikinn með meiri orku og mér fannst við einhvern veginn gera það. En við réðum ekki við tempoið hjá Aftureldingar liðinu í dag og við vorum ekki klárir í þennan leik, virtist vera."
Fullt viðtal í spilaranum fyrir ofan
