„Mjög ánægður með strákana í dag, frábær frammistaða og mjög fagmannlega gert hjá þeim. Frábær liðsheild hjá okkur og mjög ánægður með leikinn og frammistöðuna" sagði Magnús Már Einarsson, þjálfari Aftureldingar eftir 5-2 sigur gegn Njarðvík í 16-liða úrslitum Mjólkurbikarsins.
Lestu um leikinn: Afturelding 5 - 2 Njarðvík
Hvað er það góða við þessa frammistöðu í dag?
„Mikil orka í okkur og við vorum yfirvegaðir á boltanum. Leystum það vel þegar við vorum pressaðir og mér fannst við spila mjög vel í dag. Vorum síðan mjög skínandi þegar við komum á síðasta þriðjung, öflugir í föstum leikatriðum í dag. Frábær liðsheild í þessu og mikil trú á því sem við erum að gera á móti góðu Njarðvíkur liði. Ég get ekki annað verið en ánægður með það."
Hversu gott er að hafa Elmar Cogic í þessu liði?
„Bara frábært og frábær leikur hjá honum í dag. Hann kemur náttúrulega að þessum mörkum, er bæði að skora og leggja upp. Hann er mjög mikilvægur fyrir okkur. Hann er uppalinn strákur sem hefur lagt mikið á sig til þess að ná langt og hann var frábær hérna í kvöld."
Fullt viðtal í spilaranum fyrir ofan
