Viktor Örn á leiðinni af velli eftir rauða spjaldið
Risastór atvik átti sér stað á 55. mínútu leiks þegar Viktor Örn Margeirsson fékk beint rautt fyrir það sem virtist vera glórulaust brot við fyrstu sýn. Við nánari athugun sést að Viktor rennur rétt áður og fóturinn fer klaufalega hátt upp. Rauða spjaldið var verðskuldað en ljóst að enginn ásetningur var í þessu hjá honum.
„Boltinn er laus skoppandi þarna og ég fer heldur hratt í þetta. Svo rennur stoðfóturinn undan mér og ég lendi illa á honum, fer vissulega aðeins of hratt í þetta og leiðinlegt atvik. En enginn ásetningur í þessu."
„Boltinn er laus skoppandi þarna og ég fer heldur hratt í þetta. Svo rennur stoðfóturinn undan mér og ég lendi illa á honum, fer vissulega aðeins of hratt í þetta og leiðinlegt atvik. En enginn ásetningur í þessu."
Lestu um leikinn: Þróttur R. 1 - 2 Breiðablik
En fannst Viktori hann verðskulda rautt spjald?
„Já já eru þessir dómarar ekki tilbúnir að þræta fyrir sinn málstað fram í rauðan dauðann. En jú eflaust því ég fór svo hratt í hann og hvernig ég lendi á honum. Er ekki búinn að sjá hvernig þetta leit út en það má eflaust réttlæta það."
Við fyrstu sýn leit út fyrir að hinn 18 ára Örn Bragi Hinriksson þyrfti að fara af velli meiddur eftir þessa tæklingu. En sem betur fer reyndist það ekki vera tilfellið.
„Fyrst og fremst jákvætt að hann og allir sluppu óhultir frá þessu. Það er alltaf leiðinlegt ef einhverjir meiðast. En eins og ég segi þá var enginn ásetningur í þessu, ég ætlaði bara að fara á eftir boltanum. Ég fór of hratt í þetta og það rann undan mér stoðfóturinn."
Finnst Viktori líklegt að Þróttur R. spili í bestu deild á næsta ári?
„Já ef allt gengur fyrir þá og allt fer sem horfir þá á ég allt eins von á því. Þeir eru vel samheldnir, gott skipulag og heilsteypta hugmyndafræði."
Viðtalið í heild má nálgast í spilaranum hér að ofan
