Ýmir og Hamar virðast ætla að stinga af í byrjun sumars í 4. deildinni eftir nauma sigra í leikjum kvöldsins.
Ýmir heimsótti Skallagrím og skóp eins marks sigur þökk sé marki frá Gabriel Delgado Costa á elleftu mínútu.
Gabriel skoraði það sem reyndist eina mark leiksins og trónir Ýmir á toppi deildarinnar með 19 stig eftir 7 umferðir.
Ýmir er enn taplaus alveg eins og Hamar sem er í öðru sæti með 17 stig eftir endurkomusigur gegn KH.
Heimamenn fóru illa af stað í Hveragerði þegar markvörðurinn Gerard Tomas Iborra skoraði sjálfsmark á 18. mínútu.
KH leiddi 0-1 í leikhlé en Máni Snær Benediktsson og Tobías Breiðfjörð Brynleifsson sneru stöðunni við með sitthvoru markinu í síðari hálfleik og urðu lokatölurnar 2-1 fyrir Hamar.
Árborg kemur í þriðja sæti deildarinnar, sex stigum á eftir Hamri, eftir sigur á heimavelli gegn KÁ í spennandi fimm marka leik.
Ká tók forystuna snemma leiks en heimamenn í Árborg sneru stöðunni sér í hag með góðri frammistöðu í síðari hálfleik.
Lokatölur urðu 3-2 fyrir Árborg sem er með ellefu stig eftir sjö umferðir.
Skallagrímur 0 - 1 Ýmir
0-1 Gabriel Delgado Costa ('11 )
Hamar 2 - 1 KH
0-1 Gerard Tomas Iborra ('18 , Sjálfsmark)
1-1 Máni Snær Benediktsson ('72 )
2-1 Tobías Breiðfjörð Brynleifsson ('85 )
Rautt spjald: Kristófer André Kjeld Cardoso , KH ('90)
Árborg 3 - 2 KÁ
0-1 Ólafur Sveinmar Guðmundsson ('6 )
1-1 Kristinn Sölvi Sigurgeirsson ('57 )
2-1 Sigurður Óli Guðjónsson ('62 )
3-1 Aron Darri Auðunsson ('80 )
3-2 Bjarki Sigurjónsson ('89, víti)
Athugasemdir