Davíð Helgi: Mér var strax hent í djúpu laugina

„Ég held að við munum eiga mjög góðan séns ef við við höldum áfram því sem við gerðum í síðasta leik. Ef við mætum með sama orkustig og sömu liðsheild."

„Við vitum að svissneska liðið er mjög gott. Leikurinn við þá síðast var mjög jafn og við þurfum að mæta með sömu orku og í síðasta leik. Við megum ekkert slaka á."

„Það var mjög gaman að spila síðasta leik, það er alltaf gaman að spila fyrir fólkið sitt og sérstaklega þegar það er góð mæting."

Ekki búinn að smakka Lyngby pulsuna
Davíð helgi lék með Keflavík í sumar á láni frá Víkingi áður en hann gekk í raðir danska liðsins Lyngby. Hvernig hafa þessir mánuðir í Lyngby verið?

„Þeir hafa verið mjög skemmtilegir og ég hef lært mjög mikið. Mér var strax hent í djúpu laugina og verð að halda áfram að gera mitt besta og bæta mig, ég finn að ég er að gera það á hverri einustu æfingu. Það gengur mjög vel."

Hlutirnir hafa gerst hratt hjá honum á þessu ári.

„Ég vissi ekki að þetta gæti gerst svona hratt í fótbolta," segir Davíð sem finnur að Íslendingar eru í miklum metum hjá Lyngby. Hann viðurkennir hinsvegar að hafa ekki enn prófað Lyngby pulsuna frægu, Lyngby pölsen, sem er algjört hnossgæti og er seld á vellinum.