KA 3 - 0 Fram
1-0 Bjarni Aðalsteinsson ('6)
2-0 Bjarni Aðalsteinsson ('78)
3-0 Hallgrímur Mar Steingrímsson ('89)
1-0 Bjarni Aðalsteinsson ('6)
2-0 Bjarni Aðalsteinsson ('78)
3-0 Hallgrímur Mar Steingrímsson ('89)
Lestu um leikinn: KA 3 - 0 Fram
KA tók á móti Fram í 8-liða úrslitum Mjólkurbikarsins í kvöld og tóku heimamenn forystuna snemma leiks á Greifavellinum, þegar Bjarni Aðalsteinsson skoraði eftir hornspyrnu.
Akureyringar voru sterkari aðilinn í leiknum og komust nálægt því að tvöfalda forystuna í fyrri hálfleik en inn vildi boltinn ekki.
Framarar virtust vera að komast inn í leikinn þegar tók að líða á seinni hálfleikinn og fengu gestirnir nokkur færi sem fóru forgörðum áður en Bjarni skoraði sitt annað mark.
Bjarni skoraði eftir mikinn atgang í vítateig Fram á 78. mínútu, þar sem Framarar köstuðu sér fyrir tvær marktilraunir áður en boltinn datt til Bjarna.
Fram reyndi að minnka muninn en tókst ekki. Þess í stað innsiglaði Hallgrímur Mar Steingrímsson góðan sigur KA með marki á 89. mínútu.
Þetta var hundraðasta mark Hallgríms fyrir KA. Hann skoraði gott mark eftir laglegt einstaklingsframtak, eftir að hafa fengið langa sendingu upp völlinn.
Hallgrímur Mar Steingrímsson skorar mark númer ???? fyrir KA! Þar með gulltryggði hann 3-0 sigur gegn Fram og KA er á leiðinni í undanúrslitin þriðja árið í röð ???? pic.twitter.com/zZWgcXNFWV
— RÚV Íþróttir (@ruvithrottir) June 13, 2024
Athugasemdir