HM: Túnisar aftur teknir í bakaríið og eru á heimleið

Eftir 5-1 tap gegn Svíþjóð í fyrstu umferð fékk Túnis annan skell í nótt þegar liðið tapaði 4-0 gegn Japan. Sabri Lamouchi var rekinn sem þjálfari Túnisa eftir fyrsta leik en ekki gekk betur í fyrsta leik Herve Renard.

Leikurinn í nótt var spilaður í Mexíkó og tók Japan forystuna eftir innan við þrjár mínútur, eftir góða skyndisókn. Daichi Kamada, leikmaður Crystal Palace, skoraði.

Ayase Ueda tvöfaldaði forystuna og í seinni hálfleik skoruðu Junya Ito og Ayase Ueda.

Japanska liðið spilaði stórskemmtilegan fótbolta og flæðið í þeirra leik var til fyrirmyndar. Það má fastlega gera ráð fyrir að Japan fari áfram en liðið vonast til að innsigla það á föstudag þegar það mætir Svíþjóð.