David de Gea var miður sín eftir vandræðalegt 4-0 tap Manchester United gegn Brentford í ensku úrvalsdeildinni í dag.
De Gea stóð á milli stanga Man Utd en átti afleitan dag þar sem hann gaf andstæðingunum fyrstu tvö mörk leiksins með tveimur hrikalegum mistökum.
„Ég tek fulla ábyrgð á þessu tapi. Mér fannst ég kosta liðið mitt þrjú stig. Þetta var hörmuleg frammistaða hjá mér," sagði De Gea í viðtali að leikslokum.
„Það var erfitt fyrir liðsfélagana að snúa leiknum við eftir að ég gerði þessi tvö mistök. Ég átti að verja fyrsta skotið, hefði ég gert það þá hefði þessi leikur farið allt öðruvísi."
Rauðu djöflarnir eru stigalausir eftir tvær fyrstu umferðir tímabilsins. Þeir töpuðu á heimavelli gegn Brighton í fyrstu umferð.
„Við verðum að bregðast betur við þegar við lendum undir. Þetta var hörmuleg frammistaða hjá liðinu í heild. Það er alltof auðvelt að spila leiki á undirbúningstímabilinu þegar ekkert er undir. Þú þarft að sýna alvöru hugrekki og vera með almennilega leikmenn til að sigra leikina sem skipta máli.
„Við þurfum bara að halda áfram á okkar braut með stjóranum því við erum aðeins á upphafsmetrunum. Við þurfum að bæta okkar leik til muna."
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 11 | 8 | 2 | 1 | 20 | 5 | +15 | 26 |
| 2 | Chelsea | 11 | 6 | 2 | 3 | 21 | 11 | +10 | 20 |
| 3 | Man City | 10 | 6 | 1 | 3 | 20 | 8 | +12 | 19 |
| 4 | Sunderland | 11 | 5 | 4 | 2 | 14 | 10 | +4 | 19 |
| 5 | Tottenham | 11 | 5 | 3 | 3 | 19 | 10 | +9 | 18 |
| 6 | Liverpool | 10 | 6 | 0 | 4 | 18 | 14 | +4 | 18 |
| 7 | Bournemouth | 10 | 5 | 3 | 2 | 17 | 14 | +3 | 18 |
| 8 | Man Utd | 11 | 5 | 3 | 3 | 19 | 18 | +1 | 18 |
| 9 | Crystal Palace | 10 | 4 | 4 | 2 | 14 | 9 | +5 | 16 |
| 10 | Brighton | 10 | 4 | 3 | 3 | 17 | 15 | +2 | 15 |
| 11 | Everton | 11 | 4 | 3 | 4 | 12 | 13 | -1 | 15 |
| 12 | Aston Villa | 10 | 4 | 3 | 3 | 9 | 10 | -1 | 15 |
| 13 | Brentford | 10 | 4 | 1 | 5 | 14 | 16 | -2 | 13 |
| 14 | Newcastle | 10 | 3 | 3 | 4 | 10 | 11 | -1 | 12 |
| 15 | Fulham | 11 | 3 | 2 | 6 | 12 | 16 | -4 | 11 |
| 16 | Leeds | 10 | 3 | 2 | 5 | 9 | 17 | -8 | 11 |
| 17 | Burnley | 11 | 3 | 1 | 7 | 14 | 22 | -8 | 10 |
| 18 | West Ham | 11 | 3 | 1 | 7 | 13 | 23 | -10 | 10 |
| 19 | Nott. Forest | 10 | 1 | 3 | 6 | 7 | 19 | -12 | 6 |
| 20 | Wolves | 11 | 0 | 2 | 9 | 7 | 25 | -18 | 2 |
