Þórdís Hrönn aftur í Breiðablik (Staðfest)

Þórdís Hrönn er 27 ára gömul og hefur spilað fyrir Stjörnuna, Þór/KA og KR eftir að hafa yfirgefið Breiðablik til að halda út í atvinnumennsku 2013. Hún lék með Älta og Kristianstad í Svíþjóð.

Þórdís Hrönn lék fyrir KR síðasta sumar en Vesturbæingar enduðu í neðsta sæti Pepsi Max-deildarinnar og féllu.

Þórdís Hrönn á að baki tvo leiki með A-landsliðinu, auk fjölda landsleikja með yngri landsliðum Íslands.

„Við bjóðum Þórdísi Hrönn velkomna í græna búninginn á nýjan leik og óskum henni og Blikum til hamingju með þessa frábæru viðbót í leikmannahópinn," segir í Facebook færslu knattspyrnudeildar Breiðabliks.