Ítalía: Toppliðið fékk á sig umdeilt jöfnunarmark - Endurkoma hjá meisturunum

Inter átti möguleika á að ná tíu stiga forystu á toppi deildarinnar og var ansi nálægt því að gera það að veruleika.

Pio Esposito skoraði á 26. mínútu leiksins með föstu skoti vinstra megin úr teignum sem markvörður Atalanta réði ekki við.

Þegar sjö mínútur voru eftir af venjulegum leiktíma jöfnuðu gestirnir með mjög svo umdeildu marki. Kamaldeen Sulemana virtist brjóta á Denzel Dumfries sem féll í grasið. Sulemana átti síðan skot sem Yann Sommer varði út á Nikola Krstovic sem skoraði.

Markið stóð og urðu lokatölur 1-1. Inter er áfram á toppnum en með átta stiga forystu. Nágrannar þeirra í Milan geta saxað á forystuna á morgun þegar liðið mætir Lazio.

Meistararnir í Napoli unnu 2-1 endurkomusigur á Þóri Jóhanni Helgasyni og félögum í Lecce.

Jamil Siebert kom Lecce í óvænta forystu á 3. mínútu en þeir Rasmus Höjlund og Matteo Politano sneru taflinu við á tuttugu mínútna kafla í síðari hálfleiknum.

Þórir var ónotaður varamaður á bekknum sjötta leikinn í röð og ekki spilað leik síðan hann kom inn á í 2-0 tapi gegn Roma í byrjun árs.

Napoli er í 3. sæti með 59 stig en Lecce í 16. sæti með 27 stig.

Napoli 2 - 1 Lecce
0-1 Jamil Siebert ('3 )
1-1 Rasmus Hojlund ('47 )
2-1 Matteo Politano ('67 )

Inter 1 - 1 Atalanta
1-0 Pio Esposito ('26 )
1-1 Nikola Krstovic ('83 )

Primo errore arbitrale. Minuto 85’ spinta netta su Dumfries da cui nasce il pareggio dell’Atalanta pic.twitter.com/nNyVpI0g1l

— I M Black & Blue ???? (@ClubdelTifosott) March 14, 2026