Marki Íslands fagnað.
Glódís jafnaði leikjametið.
Cecilía hafði ekki mikið að gera.
Ísland lagði Úkraínu að velli, 1-0, í rosalega mikilvægum leik í undankeppni HM í kvöld. Það var gamla góða íslenska uppskriftin sem skilaði markinu; langt innkast, flikk og boltanum potað yfir línuna.
Hér fyrir neðan má sjá einkunnir Fótbolta.net úr leiknum.
Hér fyrir neðan má sjá einkunnir Fótbolta.net úr leiknum.
Lestu um leikinn: Ísland 1 - 0 Úkraína
Cecilía Rán Rúnarsdóttir - 7
Hafði voðalega lítið að gera í leiknum. Varði einu sinni dauðafæri í fyrri hálfleik en sú afgreiðsla var reyndar hörmuleg hjá sóknarmanni Úkraínu.
Guðrún Arnardóttir - 5
Var í miklu brasi með að koma boltanum frá sér, sérstaklega í fyrri hálfleiknum.
Glódís Perla Viggósdóttir - 7 - maður leiksins
Átti stoðsendinguna að markinu og var mjög sterk varnarlega. Jafnaði met Söru Bjarkar Gunnarsdóttur yfir flesta landsleiki fyrir Ísland.
Ingibjörg Sigurðardóttir - 6
Stóð vaktina vel í hjarta varnarinnar, hefði mátt vera rólegri á boltann á köflum.
Sædís Rún Heiðarsdóttir - 5
Lenti í smá vandræðum á köflum en skilaði sínu fínt, ekki mikið að frétta sóknarlega.
Alexandra Jóhannsdóttir - 7
Skoraði markið sem skildi liðin að. Var sterkari í seinni hálfleiknum en þeim fyrri. Hún er gammur í teignum.
Hildur Antonsdóttir - 6
Mikill kraftur í Hildi að venju. Var eins og Alexandra betri í seinni hálfleiknum.
Sveindís Jane Jónsdóttir - 6
Átti innkastið langa sem skilaði markinu. Annars hefur Sveindís oft verið meira áberandi í landsleikjum.
Karólína Lea Vilhjálmsdóttir - 6
Gerði sitt vel og var með hættulegar spyrnur í föstum leikatriðum.
Thelma Karen Pálmadóttir - 6
Fyrsti landsleikurinn og maður fann fyrir smá sviðsskrekk hjá henni í byrjun leiks. Hún átti fínar rispur en getur meira.
Sandra María Jessen - 5
Svolítið mislagðar fætur fyrir framan markið. Var þó að koma sér í færi sem er jákvætt.
Varamenn:
Linda Líf Boama - 6
Hlín Eiríksdóttir - 6
Emilía Kiær Ásgeirsdóttir - 6
Aðrar spiluðu ekki nóg til að fá einkunn.
