Rosengård FC lagði Växjö FF að velli, 1-0, er liðin mættust í sænsku úrvalsdeildinni í kvöld. Rosengård er með fullt hús stiga eftir fyrstu fimm leikina.
Glódís Perla Viggósdóttir var í byrjunarliði Rosengård og lék allan leikinn í hjarta varnarinnar. SIgurmarkið gerði Olivia Schough eftir aðeins þrettán mínútur.
Andrea Mist Pálsdóttir kom inná sem varamaður hjá Växjö í hálfleik en þær eru samherjar í íslenska landsliðinu.
Eins og áður segir þá er Rosengård með fullt hús stiga eftir fyrstu fimm leikina og situr á toppnum en Växjö hefur tapað fjórum leikjum og gert eitt jafntefli.
Athugasemdir