KA er úr leik í Mjólkurbikarnum eftir tap gegn Ægi í 16-liða úrslitum í dag. Fótbolti.net ræddi við Hallgrím Jónasson, þjálfara KA, eftir leikinn.
Lestu um leikinn: KA 1 - 2 Ægir
„Ég vil byrja á því að óska Ægi til hamingju með að vera komnir áfram, þeir áttu það skilið. Þeir mættu klárir í leikinn og við nenntum ekki að leggja í þá vinnu sem þarf. Við héldum að þetta yrði auðvelt og það er orðið 2-0 snemma og það er erfitt að komast upp úr því," sagði Haddi.
„Við náum aðeins að kveikja á okkur en það er orðið of seint. Við áttum ekki skilið að fara áfram þó við hefðum skotið helvíti oft í stöng og slá og verið í dauðafærum, ef þú leggur þig ekki fram þá áttu yfirleitt ekki skilið að fara áfram."
Haddi var ekki sáttur með frammistöðu liðsins en hann tók Danijel Dejan Djuric og Oliver Heiðarsson af velli í hálfleik.
„Mér fannst þeir ekki standa sig nógu vel ásamt fleirum. En seinni hálfleikur var betri og við hefðum getað skorað fjögur mörk en því miður fór það ekki inn. Ef þú mætir með svona hugarfar þá detta hlutirnir ekki með þér," sagði Haddi.
