Víkingur greinir frá afar leiðinlegum fréttum í yfirlýsingu á Facebook að markvörðurinn öflugi Ingvar Jónsson hefur greinst með illkynja krabbamein.
Ingvar er nú á leið í lyfjameðferð.
„Víkingur mun styðja þétt við bakið á Ingvari og fjölskyldu hans í þessu erfiða verkefni og erum við þess fullviss um að hann hafi sigur að lokum, enda fæddur sigurvegari," segir í yfirlýsingu Víkings.
„Víkingur og fjölskylda Ingvars óska eftir því að fjölmiðlar sýni Ingvari og fjölskyldu skilning á þessum erfiðu tímum og veiti þeim svigrúm og næði til að takast á við verkefnið framundan. Virðingarfyllst, Víkingur."
