FH tapaði 5-0 fyrir Lengjudeildarliði Fylkis í 16-liða úrslitum Mjólkurbikarins í dag. Mikil spenna var fyrir þessari viðureign og þá aðalega vegna þjálfaramál liðanna. En Jóhannes Karl tók við FH af Heimir Guðjónsson sem þjálfar Fylkir í dag.
Lestu um leikinn: Fylkir 5 - 0 FH
„Gríðarlega svekkjandi, komum náttúrulega til að mæta Fylkismönnum af hörku. Vissum að þeir myndu koma vel víraðir inn í þennan leik. Kannski héldum við að þetta yrði ekki eins erfitt en eftir fyrsta markið sem er pínu heppnis stimpill yfir gegnu Fylkir bara á lagið og kláruðu leikinn í fyrri hálfleik."
„Hefðum getað komið í veg fyrir mörkin miklu fyrr, vorum ekki að stoppa þá í þeirra aðgerðum. Komust mikið í fyrirgjafir og horn. Við vorum alltof passívir og ragir. Sem er enginn leið til að mæta í bikarleik."
„Það er eitt að tapa leik en annað á þennan hátt. Sérstaklega fyrri hálfleikurinn þar sem við vorum hræddir og þorðum ekki að færa öftustu línu, hliðar til hliðar og þorðum ekki að stíga nógu vel upp."
„Þetta er eitthvað sem ég þarf að taka ábyrgð á. Ég stilli liðinu upp og bý til leikplanið. Það er í mínum höndum að sjá til að menn mæti grimmir til leiks. Þannig ég tek fulla ábyrgð á því og þarf að skoða hvað ég hefði getað gert betur í dag."
„Við þurfum að vera ansi fljótir að skipta um ham og fókusa á leikinn gegn KA á sunnudaginn."
Eins og hann nefnir er næsti leikur FH í Bestu Deildinni og fá þeir KA frá Akureyri. KA datt einnig úr Mjólkurbikarnum í dag í leik gegn Ægir.
„Getum verið töluvert hættulegri sóknarlega heldur en við sýndum í dag. Þurfum að skilja þennan leik eftir. Bikarinn er bara búin og deildin er okkar næsta verkefni. Við þurfum að vera klárir, því að svona frammistaða eins og í dag er ekki nógu góð. Reyna líka að tengja sama góðar frammistöður í tveimur hálfleikjum."
Viðtalið í heild sinni má sjá í spilaranum hér að ofan
