„Þetta gerist ekki betra, geðveikt, þetta er liðinu að þakka, berjast þó við séum manni færri og klára leiki, geðveikt, frábært!" sagði Guðjón Ernir Hrafnkelsson sem kom inná sem varamaður og skoraði sigurmarkið fyrir ÍBV í uppbótar tíma í 2-1 sigri á Þór í Lengjudeildinni í kvöld.
Lestu um leikinn: ÍBV 2 - 1 Þór
„Þetta er klárt sjálfstraustsboost, boostar okkur og sýnr að við getum gefið allt í leiki og klárað. Við getum þetta þó við séum manni færri."
Guðjón Pétur Lýðsson hafði misnotað vítaspyrnu seint í leiknum áður en nafni hans skoraði svo sigurmarkið.
„Svona er þetta bara, þó eitt víti klúðrist þá höldum við bara áfram, það er bara svoleiðis."
Seku Conneh átti draumasendingu á Guðjón Erni í sigurmarkinu og eftirleikurinn auðveldur.
„Alveg klárlega, Mesut Seku eins og við köllum hann. Þetta var alveg geggjuð sending og skylda að klára þetta fannst mér."
