Svíþjóð: Edgren skoraði fernu fyrir Kristianstad

Svava Rós Guðmundsdóttir lék allan leikinn er Kristianstad valtaði yfir Kungsbacka í efstu deild sænska boltans.

Amanda Edgren lék á alls oddi og skoraði fernu í 5-0 sigri. Kungsbacka vermir botnsæti deildarinnar, með fjögur stig eftir sautján umferðir.

Svava Rós var eini Íslendingurinn í hóp Kristianstad og er liðið í þriðja sæti deildarinnar. Þetta var þriðji sigur liðsins í röð en topplið Rosengård er með fjögurra stiga forystu og leik til góða.

Meppen 6 - 1 Kaiserslautern

Í þýsku B-deildinni var Andir Rúnar Bjarnason ekki í hóp er Kaiserslautern steinlá fyrir Meppen.

Andri hefur ekki verið í hóp hjá Kaiserslautern undanfarnar vikur og er liðið komið með níu stig eftir átta umferðir.