„Við ætlum að gera mun betur en seinast. Fyrri frammistaðan var ekki boðleg, en við sýndum það gegn Frökkum að við erum búnir að fínpússa okkur."
Við förum inn í þennan leik gegn Sviss með fullt sjálfstraust," sagði Arnór Ingvi Traustason, leikmaður íslenska landsliðsins, í aðdraganda leiksins gegn Sviss í Þjóðadeildinni. Leikurinn er á Laugardalsvelli annað kvöld.
Við förum inn í þennan leik gegn Sviss með fullt sjálfstraust," sagði Arnór Ingvi Traustason, leikmaður íslenska landsliðsins, í aðdraganda leiksins gegn Sviss í Þjóðadeildinni. Leikurinn er á Laugardalsvelli annað kvöld.
Ísland gerði 2-2 jafntefli gegn Heimsmeisturum Frakka á fimmtudag, eftir að hafa komist 2-0 yfir. Um vináttulandsleik var að ræða.
„Að hafa glutrað þessu niður á síðustu mínútunum er agalegt, en við tökum mjög margt jákvætt úr þessum leik," segir Arnór um leikinn gegn Frakklandi.
Eftir jafnteflið gegn Frakklandi hrökk miðasalan fyrir leikinn gegn Sviss í gang. Þegar Ísland komst í 1-0 seldust fjölmargir miðar.
„Ég skoða ekki mikið á netinu en maður finnur fyrir jákvæðara andrúmslofti."
„Það hjálpar okkur heilan helling og það yrði gaman að hafa fullan Laugardalsvöll."
„Við lærum af mistökum sem gerum í seinasta verkefni, við urðum að laga það. Mér finnst við hafa lagað margt í því sem var að, varðandi varnarfærslur og færslur á öllu, hvernig við höldum í bolta og þess háttar. Það hefur margt breyst."
Viðtalið er í heild sinni hér að ofan. Þar ræðir Arnór meðal annars um hvernig gengið hefur hjá Malmö í Svíþjóð.
Athugasemdir