Ísland mætir Kanada á miðnætti - Í beinni á netinu

Ísland mætir Kanada í vináttuleik á miðnætti að íslenskum tíma en leikið er í Los Angeles.

Knattspyrnusamband Kanada hyggst sýna leikinn í beinni útsendingu á netinu.

Í íslenska hópnum eru margir reyndir leikmenn sem hafa verið í liðinu undanfarin ár sem og yngri og óreyndari menn.

Ísland spilar við Kanada í kvöld en á sunnudag leikur liðið síðan við El Salvador.

Þetta eru síðustu leikir Íslands áður en kemur að leiknum við Rúmeníu í umspili um sæti á EM þann 26. mars.