Aldrei verið betri tímapunktur fyrir Man Utd að mæta á Anfield

Danny Murphy, fyrrum leikmaður Liverpool, segir að það hafi sennilega aldrei verið betri tímapunktur fyrir Manchester United að mæta Liverpool á Anfield.

Liðin eigast við á sunnudag í toppslag sem beðið er eftir með mikilli eftirvæntingu.

<i>„Í fyrsta lagi verða ekki áhorfendur á Anfield, það eru meiðsli í varnarlínu Liverpool og þá hefur lið Jurgen Klopp verið í vandræðum með að skora mörk að undanförnu,"</i> segir Murpy.

<i>„Þegar þú skoðar líka hvernig United hefur gengið, liðið spilar vel, vinnur leiki og er með þriggja stiga forystu á toppi deildarinnar. Liðið ætti að fara inn í leikinn með meira sjálfstraust en þeir hafa haft í mörg ár."</i>

Murphy skoraði þrisvar sinnum sigurmark fyrir Liverpool gegn United milli 2000 og 2004, allt í 1-0 sigrum.