Werner hefur þurft að spila vinstra megin oft og mörgum sinnum á tímabilinu en hann endaði 12 leikja markaþurrð í bikarnum gegn Morecambe um síðustu helgi.

Lampard veit hver uppáhalds staða Werner er en telur að hann geti leyst ýmsar stöður í fremstu víglínu.

„Augljóslega þá vill Timo byrja fyrir miðju. Hann hefur spilað fyrir miðju, vinstra megin, einn frammi og með samherja upp á topp svo það er mikill sveigjanleiki með Timo," sagði Lampard.

„Við erum vinnusamir án bolta í þessu liði og það þýðir mikil hápressa. Það er eðlilegt að það taki tíma fyrir Timo og aðra sóknarmenn að aðlagast mínum hugmyndum og hugmyndum liðsfélaga."

„Við höfum ekki haft tíma á æfingasvæðinu fyrir það. Síðustu tvær vikur hafa því hjálpað okkur mikið."