Fylkir sigraði Gróttu með Skagamann á miðjunni

Fylkir tók á móti Gróttu í æfingaleik í gærkvöldi og hafði betur, með tveimur mörkum gegn einu.

Benedikt Daríus Garðarsson og Máni Austmann Hilmarsson skoruðu mörk heimamanna í Árbænum.

Guðfinnur Þór Leósson lék á miðjunni hjá Fylki í sigrinum en hann hefur verið hjá ÍA í Bestu deildinni síðustu tvö ár. Guðfinnur, fæddur 1999, er uppalinn hjá ÍA og með leiki að baki fyrir U15 og U16 landsliðin.

Grímur Ingi Jakobsson skoraði eina mark Gróttu í tapinu.

Fylkir og Grótta munu mætast í Lengjudeildinni næsta sumar eftir að Grótta komst upp úr 2. deild í fyrra.