Albert Elí Vigfússon, Arnaldur Ásgeir Einarsson, Brynjar Gautur Harðarson, Daníel Karl Þrastarson, Emil Skúli Einarsson og Kári Kristjánsson heita strákarnir.

Allir eru þeir fæddir 2004 nema Emil Skúli sem er fæddur ári fyrr.

Enginn þeirra hefur spilað keppnisleik með meistaraflokki en þeir hafa verið að taka þátt í hæfileikamótun KSÍ og landsliðsúrtökum.

„Það er yfirlýst stefna Þróttar að gefa ungum og efnilegum leikmönnum tækifæri til að þróast sem einstaklingar og leikmenn innan félagsins og slíkum samningnum er ætlað að setja ákveðnar skyldur á báða aðila sem fylgst verður með að verði uppfylltar," segir í yfirlýsingu frá Þrótti.

„Vel er fylgst með fleiri leikmönnum, bæði stúlkum og drengjum, og framförum þeirra og þróun innan félagsins og má vænta gerð fleiri slíkra samninga við unga leikmenn Þróttar á næstu mánuðum."