09.09.26 - 19:36
Brynjar Ingi Erluson
Elskar að skora á Anfield - Fimm mörk í síðustu þremur leikjum
Marcos Llorente væri eflaust til í að spila á Anfield í hverri viku
Mynd: EPA
Marcos Llorente væri eflaust til í að spila á Anfield í hverri viku
Mynd: EPA
Spænski leikmaðurinn Marcos Llorente er búinn að koma Atlético Madríd í forystu gegn Liverpool á Anfield, en þetta er einmitt maðurinn sem stuðningsmenn Liverpool óttuðust hvað mest fyrir kvöldið.
Llorente kann vel við sig gegn Liverpool á Anfield en hann hefur tvívegis skorað þar tvennu.
Sú fyrri kom í eftirminnilegum leik árið 2020 þegar hann skaut Atlético í átta liða úrslit Meistaradeildarinnar. Samlandi hans Adrian átti þá afleitan leik í marki Liverpool.
Sem betur fer fyrir Liverpool var hann meiddur fyrir útileikinn ári síðar.
Liðin mættust aftur í deildarkeppninni á síðasta ári og Llorente skoraði bæði mörk Atlético í 3-2 tapi.
Einhverjir stuðningsmenn Liverpool fóru á límingunum þegar þeir sáu nafn hans í byrjunarliði Atlético í kvöld. Óttinn reyndist ekki ástæðulaus því Llorente kom gestunum yfir á 17. mínútu eftir stoðsendingu frá Argentínumanninum Julian Alvarez.
Tíunda Meistaradeildarmark hans og helmingur þeirra komið á Anfield.
Atlético er 1-0 yfir þegar þetta er skrifað og rúmar fimmtán mínútur eftir af fyrri hálfleik.
Sú fyrri kom í eftirminnilegum leik árið 2020 þegar hann skaut Atlético í átta liða úrslit Meistaradeildarinnar. Samlandi hans Adrian átti þá afleitan leik í marki Liverpool.
Sem betur fer fyrir Liverpool var hann meiddur fyrir útileikinn ári síðar.
Liðin mættust aftur í deildarkeppninni á síðasta ári og Llorente skoraði bæði mörk Atlético í 3-2 tapi.
Einhverjir stuðningsmenn Liverpool fóru á límingunum þegar þeir sáu nafn hans í byrjunarliði Atlético í kvöld. Óttinn reyndist ekki ástæðulaus því Llorente kom gestunum yfir á 17. mínútu eftir stoðsendingu frá Argentínumanninum Julian Alvarez.
Tíunda Meistaradeildarmark hans og helmingur þeirra komið á Anfield.
Atlético er 1-0 yfir þegar þetta er skrifað og rúmar fimmtán mínútur eftir af fyrri hálfleik.
Marcos Llorente *loves* scoring at Anfield ????
— UEFA Champions League (@ChampionsLeague) September 9, 2026
