Fotbolti.net
15.03.21 - 20:38
Ívan Guðjón Baldursson

Arnór Ingvi nýr leikmaður New England Revolution (Staðfest)

Arnór Ingvi nýr leikmaður New England Revolution (Staðfest)
Canon

Mynd: Fótbolti.net - Hafliði Breiðfjörð

Kantmaðurinn knái Arnór Ingvi Traustason er genginn í raðir New England Revolution sem leikur í bandarísku MLS deildinni. Félagið svo gott sem staðfesti þetta með færslu á Twitter í kvöld.
Lið New England er áhugavert og komst í undanúrslit í úrslitakeppni MLS í fyrra. Eigandi félagsins er moldríkur en frægasti leikmaður liðsins er líklegast Spánverjinn Carles Gil, fyrrum miðjumaður Valencia og Aston Villa.

Arnór Ingvi er 27 ára gamall og gerði góða hluti hjá Norrköping og Malmö á Norðurlöndunum. Hann hefur áður reynt fyrir sér í Austurríki og Grikklandi án þess að ná jafn góðum árangri og í Skandinavíu.

Arnór hefur gert 5 mörk í 37 A-landsleikjum fyrir Ísland. Hann gæti mætt Guðmundi Þórarinssyni sem leikur fyrir New York City, sem er einnig í austurhlutanum.

Sjá einnig:
Arnór Ingvi á leið í MLS-deildina

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.