Fotbolti.net
15.04.15 - 11:33
Magnús Már Einarsson

Klopp hættir hjá Dortmund í sumar (Staðfest)

Jurgen Klopp.

Jurgen Klopp.

Canon

Mynd: Getty Images

Kvennalandslið
Borussia Dortmund staðfesti á fréttamannafundi nú rétt í þessu að Jurgen Klopp muni hætta sem þjálfari liðsins í sumar.

Klopp var samningsbundinn til ársins 2018 en hann hefur óskað eftir því að hætta í sumar.
Yfirstandandi tímabil hefur verið erfitt fyrir Dortmund sem var í fallsæti um áramótin en hefur náð að lyfta sér upp í miðja töfluna. Fyrir tímabilið var búist við liðinu í baráttu um Þýskalandsmeistaratitilinn.

Sagt er að Klopp telji sig vera kominn á endastöð með Dortmund eftir sjö ár hjá félaginu. Hann hefur tvívegis gert liðið að Þýskalandsmeisturum og einu sinni bikarmeisturum.

Klopp hefur lengi verið orðaður við stórastörf á Englandi en samkvæmt heimildum Bild ætlar hann að taka sér smá frí frá boltanum og safna kröftum. Hann hefur ekki farið leynt með áhuga sinn á því að starfa í ensku úrvalsdeildinni einn daginn.

Klopp er nú þegar sterklega orðaður við Manchester City en Manuel Pellegrini er valtur í sessi eftir lélegt gengi að undanförnu.

Talið er að Thomas Tuchel muni taka við Dortmund fyrir næsta tímabil en hann tók einmitt við Mainz af Klopp á sínum tíma.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.