Summerville bestur í B-deildinni - McKenna stjóri ársins

Summerville, sem er 22 ára gamall, hefur átt geggjað tímabil með Leeds.

Hann hefur skorað 17 mörk og gefið 8 stoðsendingar í 40 leikjum á tímabilinu.

Leeds er enn í ágætis séns á að komast beint aftur upp í úrvalsdeildina og er það mikið til honum að þakka.

Stjóri hans hjá Leeds, Daniel Farke, var tilnefndur til verðlauna sem besti stjóri ársins, en hann tapaði fyrir Kieran McKenna, stjóra Ipswich Town.

Ipswich hefur gert ótrúlega hluti undir McKenna. Liðið hafnaði í öðru sæti ensku C-deildarinnar á síðasta tímabili og er nú á toppnum í B-deildinni með 89 stig þegar þrír leikir eru eftir.

Wesley Burns, leikmaður Ipswich, á flottasta mark tímabilsins er hann skoraði með Trivela-skoti efst upp í vinstra hornið. Mark sem myndi fá sjálfan Ricardo Quaresma til að tárast.

???? The Goal of the Season, sponsored by @Hawkeye_view, goes to @IpswichTown's @wesley__burns for his strike against Coventry City! ?? #EFL | #EFLAwards

— EFL (@EFL) April 14, 2024