Lið 2. umferðar í Pepsi kvenna: Þrjár úr Garðabænum

Harpa Þorsteinsdóttir, Katrín Ásbjörnsdóttir og Kolbrún Tinna Eyjólfsdóttir léku best Stjörnustelpna í þeim leik en Stjörnustelpur töpuðu í 1. umferðinni og því var þetta kærkominn sigur fyrir þær.

Á Selfossi fengu nýliðarnir KR í heimsókn. Ingibjörg Valgeirsdóttir hélt markinu hreinu fyrir KR í 1-0 sigri. Miðjumaðurinn öflugi í röndótta liðinu, Betsy Hassett var drjúg fyrir KR í leiknum.

ÍBV lék sinn fyrsta leik á tímabilinu eftir að leikur þeirra gegn KR var frestaður í 1. umferðinni. Þær fóru í heimsókn í Hafnarfjörðinn og unnu FH 3-1. Hægri bakvörðurinn, Adrienne Jordon var góð í liði Eyjastelpna sem og Cloé Lacasse í framlínunni sem kom ÍBV á bragðið í leiknum.

Breiðablik byrjar deildina með látum og unnu 4-0 sigur á Grindavík á heimavelli. Samntha Lofton og Selma Sól Magnúsdóttir léku vel fyrir Breiðablik í þeim sigri.

Síðast en alls ekki síst þá unnu Íslandsmeistarnir í Þór/KA, nýliða HK/Víking á heimavelli 3-0. Sandra Mayor Gutierrez skoraði tvívegis fyrir Þór/KA. Þá átti Andrea Mist Pálsdóttir góðan leik fyrir norðanstúlkur.