Þrír Íslendingar spiluðu í dag þegar Kristján Flóki Finnbogason, Aron Sigurðarson og félagar í Start heimsóttu Kongsvinger í tapi og Bjarni Mark Antonsson sigraði gegn Trelleborg.
Brage 2 - 0 Trelleborg
Barni Mark spilaði allan leikinn á miðjunni hjá Brage er liðið fékk Trelleborg í heimsókn.
Þetta reyndist frekar einfalt hjá Bjarna og félögum og unnu þeir 2-0 og sitja í 3. sæti í Superettan, næst efstu deild Svíþjóðar.
Kongsvinger 4 - 2 Start
Jóhannes Þór Harðarson þjálfari Start og Kristján Flóki og Aron Sigurðarson leikmenn áttu erfiðan dag þegar þeir heimsóttu Kongsvinger í 4-2 tapi. Aron spilaði allan leikinn og Kristján Flóki kom inná á 75. mínútu.
Start er þá í 4. sæti norsku B-deildarinnar með 19 stig og eru sjö stigum á eftir toppliði og Íslendingaliði Álasunds.
Athugasemdir