Hvað gerðist hjá Valencia?

Eitt af sögufrægustu félögum Spánar situr í 19. sæti La Liga eftir sjö umferðir, með aðeins einn sigur á bakinu. Félagið hefur ekki endað ofar en níunda sæti deildarinnar síðan 2019 og í raun má segja að það hafi bara allt verið í rugli þarna.

Peter Lim hefur verið eigandi Valencia í tólf ár. Á þeim tíma hefur mikill fjöldi þjálfara, íþróttastjóra og leikmanna komið og farið, en sama vandamálið hefur lifað áfram. Valencia hefur stöðugt verið að byrja upp á nýtt.

Þetta er sagan um hvernig Valencia fór úr því að vera stórveldi í Evrópu í félag sem er í raunverulegri hættu á að falla úr efstu deild Spánar.