Úrúgvæski varnarmaðurinn Ronald Araújo meiddist þegar Úrúgvæ sló Brasilíu úr leik í Copa América á dögunum.
Araújo meiddist skömmu eftir viðskipti sín við Endrick og Raphinha, leikmenn Brasilíu, og er staddur í Barcelona þessa stundina þar sem hann gæti þurft að gangast undir aðgerð.
07.07.2024 10:00
Karma beit Araujo í rassinn
Þetta litu út eins og einföld vöðvameiðsli aftan í læri við fyrstu skoðanir en svo virðist ekki vera í dag. Það lítur út fyrir að hvíld, endurhæfing og bati séu ekki nóg til að lækna Araújo í þetta sinn.
Samkvæmt heimildum Fabrizio Romano mun Araújo gangast undir hnífinn og vera frá keppni allt þar til í desember.
Þetta eru slæmar fréttir fyrir Barcelona enda er Araújo mikilvægur hlekkur í varnarleik liðsins. Hann á 150 leiki að baki fyrir félagið og er með tvö ár eftir af samningi.
Athugasemdir
