Lengjudeild kvenna: Fyrstu mörk Söru fyrir Hauka í átján ár

Þrír leikir voru á dagskrá í Lengjudeild kvenna í dag. Sara Björk Gunnarsdóttir skoraði tvívegis af vítapunktinum í 3-1 sigri Hauka á FHL.

Voru þetta fyrstu tvö mörk og fyrsti sigur Söru í endurkomu hennar hjá Haukum. Hún lék síðast með Haukum árið 2008.

Topplið Gróttu fór hamförum gegn botnliði Tindastóls á Vivaldivellinum og endaði leikurinn með 10-0 sigri Seltirninga.

Shea Collins var þar hlutskörpust í liði Gróttu og skoraði þrjú mörk, Lovísa Davíðsdóttir Scheving og Nicole Douglas skoruðu þá báðar tvö mörk.

Grótta er með níu stiga forystu á toppi deildarinnar en Tindastóll er á botninum með þrjú stig.

Þá vann Selfoss 3-2 útisigur á Völsungi og eru Selfyssingar í harðri baráttu um 2. sætið. Völsungur er þá í fallbaráttu en liðið er í fallsæti, fimm stigum frá FHL sem er í 8. sæti.