„Stuðningsmenn Dalvíkur urðu sér gjörsamlega til skammar," sagði Gylfi Tryggvason í nýjasta þætti Ástríðunnar.
Dalvík/Reynir vann 4-2 sigur gegn Elliða í síðustu umferð 3. deildar. Gylfi var ekki sáttur með hegðun stuðningsmanna heimaliðsins í tengslum við þennan leik.
„Þegar Dalvík kom í Árbæinn, þá voru þeir frábærir. Þeir voru að styðja liðið og þetta var frábært hjá þeim," sagði Gylfi.
„Þetta var gjörsamlega til skammar fyrir félagið. Davíð Arnar mætir þarna inn á og hann er bara eitthvað að leika sér. Hann gat ekki tekið eitt skref á vellinum án þess að fá að heyra hvað hann væri feitur."
„Ég skil ekki þetta dæmi með stuðningsmenn og leikmenn; af hverju þarf alltaf að fara beint í þetta? Það er drullu pirrandi að fá að koma inn á völlinn og fá að heyra þetta."
Hægt er að hlusta á allt hlaðvarpið hér að neðan.
Athugasemdir